Геолог – ғалым зерттеуші

       Әмеди Хасенов атындағы  №11 ЖОББ мектеп кітапханасында «Оқуға құштар  мектеп» жобасы аясында, Қазақ КСР Ғылым Академиясын ұйымдастырушы және оның тұңғыш президенті, Қазақ КСР Ғылым Академиясының академигі, Кеңес Одағы мен Қазақстанның металлогения мектебінің негізін қалаушы, қазақтың тұңғыш академигі Қаныш Сәтбаевтың туылғанына 125 жыл толуына орай «Геолог – ғалым зерттеуші» тақырыбында кітап көрмесі ұйымдастырылды. Ол Қазақстандағы ғылыми және техникалық дамудың көшбасшысы болды. Қазақстаннан шыққан тұңғыш ғылым докторы, Шығыс елдерінің ғалымдары арасында ғылым мен техника саласындағы КСРО-ның алғашқы академигі, КСРО Мемлекеттік сыйлығының және Қазақстандағы Ленин сыйлығының бірінші иегері болды. Қаныш Сәтбаев Павлодар облысы, Баянауыл ауданында 12 сәуір 1899 жылы дүниеге келген. Шын есімі –Ғабдулғани. 31 қаңтар, 1964 жылы Мәскеуде дүние салған.