«Оқуға құштар мектеп»

Әмеди Хасенов атындағы  №11 ЖОББ мектеп кітапханасында «Оқуға құштар мектеп» жобасы аясында Серікбол Әділбекұлы   Қондыбайдың туылғанына 55 жыл толуына орай «Серікбол Қондыбайдың еңбектері» атты кітап көрмесі ұйымдастырылды. Серікбол Қондыбай ғұмырының жартысын қазақтың тарихын, мәдениетін, салт - санасын жаңғыртуға арнап, сүбелі үлес қосқан және түбегейлі зерттеуде зор еңбек еткен қазақтың өлкетанушы, географ, публицист, этнограф- ғалымы. Қазақ мифологиясының зерттеушісі. Ол қазақ мифологиясының архетиптерін зерттеп, терең мәдени – танымдық және этнографиялық тұжырымдар жасады. Ғылыми қауымдастық Серікболдың осынау жүйелі ізденістерін қазақтың мәдениеттану саласындағы жаңашыл бағыт ретінде мойындады.Серікбол ағамыздың жазған «Қазақ мифологиясы», «Маңғыстау географиясы», «Маңғыстау мен үстірттің киелі орындары», «Қазақ  даласы және Герман тәңірлері» еңбектерімен білім алушылар таныстырылды.

       Мақсаты: Серікбол Қондыбайдың  өмірі мен еңбектері туралы толық мағлұмат беру. Оқырмандарды кітап оқуға баулу. Кітапханаға оқырмандарды тарту.