«Серікбол Қондыбайұлы өлкетанушы»

       Әмеди Хасенов атындағы  №11 ЖОББ мектеп кітапханасында «Оқуға құштар мектеп» жобасы аясында Серікбол  Қондыбайдың туылғанына 55 жыл толуына орай «Серікбол Қондыбайұлы өлкетанушы» атты танымдық сағаты мектеп ұстаздарымен  ұйымдастырылды. Кітапханашы ұстаздарды Серікбол Қондыбайдың өмірі мен еңбектері туралы мәліметтермен таныстырды.  Серікбол Қондыбай ғұмырының жартысын қазақтың тарихын, мәдениетін, салт - санасын жаңғыртуға арнап, сүбелі үлес қосқан және түбегейлі зерттеуде зор еңбек еткен қазақтың өлкетанушы, географ, публицист, этнограф- ғалымы. Қазақ мифологиясының зерттеушісі. Ол қазақ мифологиясының архетиптерін зерттеп, терең мәдени – танымдық және этнографиялық тұжырымдар жасады. Ғылыми қауымдастық Серікболдың осынау жүйелі ізденістерін қазақтың мәдениеттану саласындағы жаңашыл бағыт ретінде мойындады.Серікбол ағамыздың жазған «Қазақ мифологиясы», «Маңғыстау географиясы», «Маңғыстау мен үстірттің киелі орындары», «Қазақ  даласы және Герман тәңірлері» еңбектерімен таныстырылды. 1995 жылы апатқа ұшырап , 1- ші топтағы мүгедек болды. 2004 жылы 24 тамызда 37 жасқа қараған шағында қазақ ғылымының көгіне жарқырай көтеріліп келе жатқан шағында дүниеден озды.     

       Мақсаты: Серікбол Қондыбайдың  өмірі мен еңбектері туралы толық мағлұмат беру. Оқырмандарды кітап оқуға баулу. Кітапханаға оқырмандарды тарту.