Жыр жауһары- Қалижан Бекхожин

Әмеди Хасенов атындағы №11 ЖОББ мектеп кітапханасында Қазақтың көрнекті ақыны Қалижан Бекхожиннің туғанына 110 жыл толуына орай «Жыр жауһары- Қалижан Бекхожин» атты кітап көрмесі  ұйымдастырылды. Көрмеге  4- сынып білім алушылары қатысты. Көрмеге Ақын, драматург, аудармашы,Мемлекеттік сыйлықтың иегері Қалижан Бекхожиннің өмірбаяны, еңбектері қойылды. Білім алушыларға Қалижан Бекхожиннің 1913 жылы 15 желтоқсанда Павлодар облысы Баянауыл өлкесінде әулиелі Қызылтауда туғаны, азан шақырып қойған аты –Қалимұхаммед екені туралы айтылды. Қалижан Бекхожин 1932-1934 жылдары «Колхоз» газетінің редакциясында қызмет етті. 1938 жылы ҚазПИ-ді бітірді. Содан кейін Қазақстан Орталық комсомол баспасына аға редактор етіп тағайындалды. 1938-1939 жылдары «Балтабай», «Кек», «Орман қызы», «Ақсақ Құлан» атты дастандарын жазды.1944 жылы «Шеру»,1948 жылы «Көктем», «Сырдария көкпары», «Келтемасат», 1949 жылы «Под звездами Москвы», «Мәриям Жагорқызы" позмалары жарық көрді. Қалижан Бекхожин «Еңбек Қызыл Ту» орденімен екі рет, «Халықтар достығы» орденімен, II дәрежелі Отан соғысы орденімен марапатталды. Білім алушыларға 1959 жылдан бастап өмірінің соңына дейін шығармашылықпен айналысқандығы туралы мәліметтер берілді.