«Өз жанымыздың ғажайып әлемі!» атты тренинг өткізілді.

   Әмеди Хасенов атындағы №11 ЖОББ мектебінде  психологиялық қызметтің жоспарына  сәйкес 2025жылдың  17 ақпан күні 7-10  сыныптың дарынды оқушылармен «Өз жанымыздың ғажайып әлемі!» атты тренинг өткізілді.

Мақсаты: Өмірде адамнан асқан құндылық жоқ екендігін түсіндіре отырып, дұрыс қарым-қатынасқа түсу мәдениетін және жағымды «Мен» концепциясын қалыптастыру; оқушылардың өздерін жан-жақты тереңірек ашуына бағыт-бағдар беріп, көзқарастарын қалыптастырып, өзіндік анықтауға, ішкі сезімін сыртқа шығару.

Барысы: оқушылар арасында жақын қарым-қатынас орнату, ішкі шаршауды басу мақсатында «Атомдар мен молекулалар» тақырыбында жаттығу жүргізілді. Сонымен қатар, түрлі белгілері бойынша топқа бірігу ұсынылды. Сан бойынша біріккен топтарға бөлінді. «Менің ерке есімім» жаттығу топ жүйесінде жүргізілді. Қатысушылар өзінің ата-анасы, құрбы құрдастары немесе т.б. туыс — таныстарының оның еркелетіп атайтын есімдерін айтып, берілген бейджикке жазды. Тренинг бойы сол есіммен бір бірлерін атады.  «Оның есесіне мен…» жаттығуы барысында барлық қатысушыларға аяқталмаған сөйлемдері бар карточкалар таратылды. Сөйлемдерді әр қатысушы өз ойымен аяқтады.

Нәтижесінде: Өмірде адамнан асқан құндылық жоқ екендігін түсіндіре отырып, дұрыс қарым-қатынасқа түсу мәдениетін және жағымды «Мен» концепциясын қалыптастыру; оқушылардың өздерін жан-жақты тереңірек ашуына бағыт-бағдар беріп, көзқарастарын қалыптастырып, өзіндік анықтауға, ішкі сезімін сыртқа шығару, рухани бай тұлға болып қалыптасуы үшін психологиялық кеңестер берілді. Оқушылардың көңіл күйі көтеріліп, болашаққа деген көзқарастары өзгеріп, өмірде ең басты нәрсе не?  жан дүниенің сұлулығы деген ұғымның мәнін аша білді.