«Түсіністікке үйренеміз мен сені түсінуге тырысамын»
Ә. Хасенов атындағы №11 жалпы орта білім беретін мектебінде «Түсіністікке үйренеміз мен сені түсінуге тырысамын» тақырыбында жүргізілген семинар - тренингтің анықтамасы
Мерзімі: 15 қараша 2023 жыл
Мақсаты: Бала тәрбиесінде ата-ананың алатын орнының ерекше екенін түсіндіру; ата-ана бойына өздерін тәрбиеші мұғалім ретінде қарауда қызығушылықтарын дамыту; баламен дұрыс тіл табысуға, сөйлеу мәдениетін үнемі қолдауға ой салу. Ата-ана мен баланың арасындағы қарым-қатынастың ерекшеліктерін психологиялық жаттығулар арқылы көрсету.
Қатысқандар: 5-9 сынып ата - аналары
Барысы:
5-9 сыныптардың әр сыныбынан 30 ата- ана қатысты.
Сіздермен бас қосып пікір алысумыздағы мақсатымыз – ата-ана мен мектеп озара байланысты одан әрі жақсарту. Ата - аналар алдымен танысып алды. «Есімдер аллитерациясы» жаттығуы жүргізілді.
«Жанұядағы тәрбиенің ерекшеліктері»» тақырыбында әлеуметтік педагог Тотенова Ж.Т. баяндама оқыды. Баяндама төңірегінде пікір алысулар және ата-аналарға сұрақтар қойылып, мәселелер туралы айтылды.
Мектеп инспекторы: Дәуренбеков Б «Тәртіп бұзу немесе қылмыс» тақырыбында құқықтық білім берілді. Заңды құрметтеуге, білуге дағдыландыру,оқушының тәртіп бұзғандағы жауапкершілігі немесе заңға тартылуы сөз болады.
«Жанұя бақыты» атты тренингі aта- аналармен « Бақытты жанұя» моделі құрылып, яғни, ата-аналар бірлесе отырып, ата - аналар отбасы бақытын сурет арқылы көрсетіп, суреттің жан- жағына отбасы бақыты сөздерін жазды, бақытты жанұя туралы өз ой- пікірлерімен бөлісті.
«Диаграмма құрастыру» жаттығуы
Дөңгелек шеңберді 24 сағатқа бөліп, оқушының, ата-ананың бір күндік диаграммасы,құрылып өз балаларымен қанша уақыт бірге уақыт өткізетіндерін диаграмма арқылы көрсетті.
«Тілек шамы» жаттығуын бір-бірлеріне тілек айта отырып жүргізілді. Бір-бірімізге мына шамды бере отырып бүгінгі кездесуден алған әсерлеріңізбен бөлісіп, тренинг барысында айта алмай қалған ойларыңыз болса айту ұсынылды. Ата- аналардың, қатысушылардың тілектерімен бүгінгі жұмыс қорытындыланды.
