"Мен таңдаған мамандық- жарқын болашағымның бастауы "
Таңдаған мамандығың ертеңгі сенің өмірің, болашағың, қоғамның болашағы, елдің ертеңі. Алдағы келешек өмірге қажет мамандықты таңдау әр шәкірттің арманы.Әмеди Хасенов атындағы №11 ЖОББ мектебінде
22.02.2023 күні мектеп директорының бейінді - бағдарлы ісі жөніндегі орынбасары М.Конырбаеваның ұйымдастыруымен 11 сынып оқушылары арасында "Мен таңдаған мамандық-жарқын болашағымның бастауы " тақырыбында мамандық таңдау кеші өткізілді. Мақсаты: оқушы бойында мамандық таңдауда жауапкершілікті қалыптастыра отырып, мамандық таңдауына көмектесу, бағыт - бағдар беру және психологиялық қолдау көрсету.
Шара барысында кездесу кешіне қатысқан ардагер ұстаздар Н.Жұманов,Қ.Шоншабаева білім алушыларға пікірлер мен ақыл-кеңестерін айтып, әртүрлі мамандықтар бойынша ақпараттар беріп, өзара ой бөлісті. Жас түлектерді болашақта мамандықты дұрыс таңдап, жақсы маман иелері болуға шақырды.
