«Алтын сақа» мектепішілік математикалық олимпиадасы, 3-4-сынып

«Дарын» республикалық ғылыми-практикалық орталығының қолдауымен «Зерделі» ақыл-ой дамыту мектебі, «Астана дарыны» дарындылықты дамыту және психологиялық сүйемелдеу орталығы мен өңірлік «Дарын» орталығының ұйымдастыруымен 2023 жылдың 3-ақпаны күні Ә.Хасенов атындағы №11 жалпы орта білім беретін мектебінде «Алтын сақа» математикалық олимпиадасының мектепішілік кезеңі өткізілді. Олимпиаданың мақсаты -математика пәні бойынша қабілетті балаларды анықтау, оқушыларды математикалық ұғымдарды талдауға, сыни тұрғыда ойлауға, күрделі есептерді шешуге дағдыландыру. Олимпиадаға 3-сыныптан 7 оқушы,4-сыныптан  8 оқушы, барлығы 15 оқушы қатысты. Тапсырмалар өңірлік «Дарын» орталығынан алынып, ережеге сай өткізілді. Оқушылардың жұмыстары тексеріліп, жоғары ұпай жинаған 3 сынып оқушысы Танатова Томирис пен 4-сынып оқушысы Жанұзаққызы Көркем олимпиаданың келесі кезеңіне жіберілді. Оқушыларымызға сәттілік тілейміз!