Ұлағатты ұстаз

Ұстаз… жаратылысынан өзіне айтылғанның бәрін

жете түсінген, көрген, естіген және аңғарған

нәрселердің бәрін жадында жақсы

сақтайтын,ешнәрсені ұмытпайтын… алғыр да

аңғарымпаз ақыл иесі…, мейлінше шешен, өнер-

білімге құштар, аса қанағатшыл жаны асқақ және ар-

намысын ардақтайтын, жақындарына да, жат

адамдарына да әділ…, жұрттың бәріне… жақсылық

пен ізгілік көрсетіп…қорқыныш пен жасқану дегенді

білмейтін батыл, ержүрек болуы керек.
Әл-Фараби

Ег еменді еліміздің «Мәңгілік елге» бастар жолда ,өркендеп дамуы ,дамыған 30 елдің қатарына қосылып ,тереземіз тең ел болуы жолында аянбай тер төгу әрбір азаматтың міндеті мен борышы-деп атап көрсеткен елбасымыз Н.Ә Назарбаев өз жолдауларында.

Бүгінде осындай елеулі еңбек,қажырлы қызмет,сапалы білім,саналы тәрбие беріп ,болашақ ұрпаққа үлгілі дәріс беріп жүрген ұстаздарымыз Республикада ғана емес алақандай ауылымыздан да табылады. Солардың бірі де бірегейі №11 Ә.Хасенов атындағы орта мектептің тарих пәнінің мұғалімі: Ақбаева Қарлығаш Балтабайқызы. Қарлығаш Балтабайқызы біздің мектебімізде ұлағатты ұстаз, жоғары білімді ,шығармашыл тұлға. Ол кісі шәкірт тәрбиелеуде аянбай еңбек етіп,жас ұрпаққа сапалы білім беруде нәтижелі еңбек етіп келеді. Соңғы жылдардағы жетістігінің өзі де мақтанышпен айтарлықтай . Атап айтсам, Қарлығаш Балтабайқызы былтырғы жылы ауданда өткен ғылыми жоба байқауында 10-сынып оқушысы Ермаханова Алинамен «Ақермен ауылының тарихы» жайында жоба қорғап ол жоба аудандық мектептер арасынан Іорынды иеленіп облысқа жолдама алды. Сонымен қатар ағымдағы жылдың қыс мезгілінде өткен Республикалық пән олимпиадасының аудандық кезеңінде 10-сынып оқушысы Самсабаев Саят тарих пәні бойынша жүлделі І орынды иеленіп облысқа өтті.Облыстық олимпиадаға қатысып алғыс хатпен марапатталды.

Ақбаева Қарлығаш Балтабайқызының айтулы жетістіктері мен ерен еңбегі біздер үшін қашанда үлгі мен өнеге. Күні кеше ғана Қарлығаш Балтабайқызы Қазақстан Республикасының «Өрлеу» Білім-Ғылым технологиялық порталының Білім беру саласындағы айрықша еңбегі үшін «Ұлағатты ұстаз» төсбелгісімен марапатталды. Мәртебелі төс белгіні мектеп директоры: Алипбаева Айсұлу Иманбайқызы шын жүректен құттықтап мақтанышпен ұжым алдында табыс етті. Осындай елеулі де нәтижелі еңбегімен мектеп ұжымы Қарлығаш Балтабайқызын шын жүректен құттықтаймыз. Еңбегіне жеміс,отбасына амандық, деніне саулық тілейміз. ХХІғасырдың «Ұлағатты ұстазы» ретінде әркез биіктерден көріне беріңіз демекпіз.