"Өмір мәні" тақырыбында тренинг өткізілді

№11 жалпы орта білім беретін мектебінің 9-11 сынып білім алушыларымен

жүргізілген  "Өмір мәні" тренингтің  жұмысының қорытынды  

хаттамасы

Мерзімі:  22 қараша 2024 жыл

Қатысушылар: 9-11 сынып білім алушылары

Мақсаты: адам бойында болатын асыл  қасиеттерді, адамгершілік, мейірімділік  сезімдерін  дамыту.Жақсы  қасиеттерді  үйрету,жаман  қасиеттерден  жиренту . Білім алушылардың  ойын  ашу , өмірге  деген  көзқарастарын  анықтау.

Әдісі: тренинг 

Жауапты: мектеп психологы Мухамеджанова Ж.Б.

Тренинг барысы:

І. Кіріспе сөз  

Шыдамдыны мына өмір ұнатады,
 Бірде қуантып, бірде жылатады,
 Сүріндіріп кейде сені құлатады.
 Жылатып тұрып жұбатады.
 Дұшпандарға кейде сені сынатады,
 Қатал тағдар бірақта шыдатады,
 Мына өмір бірақта қымбат әлі,- демекші өмір жолы сан тарау, қия шатқал, қия шың.
 Сол жолдан адаспаудың ең бірінші жолы ол – өзіңді өзің тану, өзіңді өзің сыйлау, өзіңді өзің қадірлеу.Олай болса, біз де бір уақыт өз өміріміздің мәні туралы ойларымызды ортаға салып көрейікші.

Сұрақ жауап

-         Өмір  дегеніміз не , қалай  түсінесің ?

-         Өмірдің мәні неде деп ойлайсыңдар?

-         Өмір адамға несімен қымбат?

-         Сіздер өмірде өздеріңді   бақыттымын деп санайсыңдар ма ?

-         Егер  саған  біреу  қатты дауыс  көтеріп  ұрысса , сен  не  істейсің ?

-         Келешекте  сіздер өз  өмірлеріңізді қалай  құрар  едіңіздер ?

ІІ. Топтық  пікірталас

Ең бастысы - жүрегің таза болсын;

Өмір - сенің мүмкіндігің,пайдалана біл;

Өмір - сұлулық,сүйсіне біл;

Өмір - арман,жүзеге асыр;

Өмір - парыз,орындай біл;

Өмір - ойын,ойнай біл;

Өмір - байлық,бағалай біл;

Өмір - махаббат,ләззат ала біл;

Өмір - құпия,сырын аш;

Өмір - қайғы,көтере біл;

Өмір - күрес,жеңе біл;

Өмір - бақыт,баянды ете біл.

Өмір деген –алланың берген сыйы. Өмірдің ащы да, тәтті кезеңдері болады.Бұл кезеңдерді жеңе білу керек. Адамзат өмірге келген соң өмірін қалай болса солай өткізбеуі тиіс. Яғни адам саналы , жарқын өмір сүруі тиіс.

Өмірдегі  кездесетін  сәтсіздіктерді  уақытша  қиындық  деп  қабылдау  керек. Әр  нәрсенің  ақырын  шыдамдылықпен  күтіп ,не  істесеңде  ойланып  істеуге  үйрену  керек.  Сабырлы , шыдамды , төзімді  болуды  үйрен .

  Өмірде  бәріде  өткінші  екенін  ұмытпа .

ІІІ.Бейнеклип.АлбалаларөзіміздіңоңтүстікөңіріненшыққанжасөспірімдеріміздіңтобынанқұрылғанСәттриосыныңМ. Мақатаевтыңсөзінежазылған «Көнемізғой» әнінназарларыңызғаұсынғымкеліпотыр. Өмірге құштарлықтарын әлемге паш етіп жүрген жасөспірімдерімізге өмірде тек ғана сәттілік тілейміз. СӘТ ТРИОСЫ

ІV.Жағдаяттар.

Төменде берілген жағдаяттарды сен қалай шешер едің. Осы баланың қабылдаған шешімі дұрыс деп ойлайсын ба? Дәлелде. 
 Жағдаяттар: 
 1. Ата-анасы ішімдікке салынған. Үйінде өмір сүрүге жағдай жоқ, қара нан мен қара шайдың өзі сирек кездеседі. 
 2.Тірлігі басқалардан төмен. Жұртпен бірдей киініп, ойнап күле алмайды. Достарымен бірге жүрмейді. Осыны өзінің кемшілігі деп санайды. Досы жоқ жалғыз қалады. Шешімі қоштасу болады. 
 Жауабы: 1 Осы балаға берер кеңесіміз өмірден түңілмеуі керек, әке-шешесінің жолына түспеу керек. Осы өмірдің бір қадамы болуы керек. Өзінің бар өмірі алда екенін түсініп, өзінің әке-шешесіне ермей, өзінің жақсы өмір сүруіне талпыну керек. Егер әр адам басына түскен қиыншылықты жене алмай, өз-өзіне қол жұмсаса, адамзат әуелі құрып кетер еді. 
 2 Біздің ойымызша бұл жалғыздық. Жалғыздық тек құдайға тән қасиет. Ол бала өмірдің қызығы тек киініп, ішіп-жеу деп ойлайды. Біз оған өзіне жақын дос табуына тілектеспіз және өзін-өзі бағалай білу керек. Өмір үшін қандай болса да қиындыққа тәуелді болмай күресуі керек.

V  Тамаша өмір сүрудің 7 кілті

1.      Өзіңді таны

Өз ішіңе саяхат жаса. Күнделік жаз. Жүрегің, көңілің, ар-ұжданың не дейді? Не нәрсені алдыңғы қатарда ұстайды? Мына әлемге терең үңіліп, сыры мен қырын меңгерудің жолы ең алдымен ішкі жандүниеңе сапар шегумен басталады.

2.Өмірде шыншыл, әділ бол да дұрыс ойла. Жүрегіңнің даусына құлақ сал да соны қорға. Өмірде бір нәрселерді қорғау үшін ат салыспасаң, барлық нәрсе сенің мәртебеңді түсіреді.

3. Үнді ырғаққа айналдырған ғашық-дүр. Ғашықтық, сүйіспеншілік болмаса, тартымдылық кем болса өмірің құрғап қалған бұтақтан ешқандай айырмашылығы қалмайды.

4. Істеген амалдарыңның барлығы ең алдымен қиял-ойдан бастау алады. Өмір деген барлық адамдар үшін, ойлағандарын жүзеге асыру, істеген ісінің әрі істейтін ісінің ең дұрысына жету.

 5. Жеңіс қайсарлықты қажет етеді. Бастапқы кездегі қайсарлық кейіннен сенімге айналады. Сенім адам бойындағы қызметке деген ынтаны ояндырғанда, мүмкіндіктер одан сайын жоғарлай береді.

  6. Өмір жылдам қозғалыс, шешім мен шешімді болуды талап етеді. Күдіктенгендер артта қалады. Өмірдің үстімен жүрмесең, өмір сенің үстіңнен жүретін болады.

 7. Тек қана ақылды, саналы әрі ұқыпты әрекеттердің нәтижесінде үлкен жетістіктерге жетуге болады. Алмасты жонбасаң қолыңда тек тастың түйірі қалады. Шүкір етуді ұмытпау керек!

VI.  Қорытынды: 

Өмір - өзен  ағып  жатыр , тынбайды ,

Өмір  болмас  қасіретсіз , мұң  қайғы ,

Сондықтан да , өз - өзіңе  абай  бол ,

Өмір  сені  сонда  ғана  шыңдайды .  - деп  ақындар  жырлағандай , Өмір - арнасы  кең  өзен , сол  өзеннен  өз  арнаңды  тауып  ағу  сенің  басты мақсатың. Ал өз мақсатыңа  жету  оңай  емес , ол үшін  қандай да бір қиындықтарға , кедергілерге  кездесуің  мүмкін .Ал  енді  біреулерге  қиындықтар кездеспеуі де  мүмкін. Сондай  кездерде  біреулерге  қызғаншақтық , көреалмаушылық  

танытпа,өз  мақсатың  үшін  күресе  біл .Өзіңнің  күшті  жақтарыңды  көрсет , әлсіздік , шарасыздық  танытпа . Сен  өз  өмірің  үшін  өмір  сүруге  тиіссің .

Психолог тарапынан білім алушы қатысушыларға тамаша өмір сүрудің 7 кілті жадынамасы таратылды.