«Мың мамандық бәрі бар, Таңдап, талғап бірін ал!» атты кездесу кеші өтті

Әмеди Хасенов атындағы №11 жалпы орта білім беретін мектебінде сәуір айының 27 жұлдызында мектебімізді бірнеше жыл бұрын білім нәрімен сусындаған түлектеріміз, қазіргі таңда ел игілігіне қызмет атқарып жүрген мектеп түлектері Бүркітбаева Айман Жойқынбекқызы,Мырзақұлов Нұрбек Даукенұлы,Абдуллаев Ғалымжан Бейсенбайұлы, Аманбай Мейрлан Маратұлы  «Мың мамандық бәрі бар, Таңдап, талғап бірін ал!»атты кездесу кешіне қонаққа келді. Кездесудің басты мақсаты – бітіруші түлектерге жас маман атанып, жаңа еңбек жолын бастар шағында бағыт-бағдар беру, жол сілтеу, ақыл- кеңеспен бөлісу. Кездесу барысында мектеп бітіруші түлектер тарапынан мамандарға сұрақтар қойылып, тұшымды жауаптар да алынды. Арнайы кәсіп иелері қызмет жасау барысында кездескен қиыншылықтарымен, еңбек жолында жеткен жетістіктерімен бөлісті.  Білім алушылар өздерін мазалаған сұрақтар төңірегінде ақыл-кеңестерін беріп, танымды, маңызды кездесуге алғыстарын білдірді. Тоқсан ауыз сөздің тобықтай түйінін түйіп, жинақтап бір –екі ауыз сөзбен қорытындылап жіберсек.
 Атақты ғұлама Әл – Фараби айтқандай:
 Ісім оңсын десеңіз,
 Сол істің маманы болыңыз.
 Даңқым шықсын десеңіз,
 Көпшіліктің адамы болыңыз деген екен. Олай болса «Мың мамандық бәрі бар, Таңдап, талғап бірін ал!» атты кездесу кешімізге келіп маңызды ой-пікірлеріңізбен бөліскен қонақтарымызға алғыс білдіреміз!