Lesson study-мұғалімнің кәсіби өрлеу жолы

       Әмеди Хасенов атындағы  №11 жалпы орта білім беретін мектебінде желтоқсан айының 14-і күні бастауыш сынып пән бірлестігінің айлық  жоспарына сай, директордың оқу- тәрбие ісі жөніндегі орынбасары Э.Ж.Калмаханбетова, мектеп тренерлері Г.З.Турысбекова, Г Т.Тотенованың ұйымдастыруымен "Lesson study-мұғалімнің кәсіби өрлеу жолы" тақырыбында коучинг өткізілді. 
       Коучинг мақсаты:  оқу мен оқытуды дамыту, оның сапасын арттыру, тәжірибе алмасу құралы ретінде Lesson study-ды ұсыну.
       Коучингке қатысқан мұғалімдер топтық талқылау арқылы Lesson study әдісі, Lesson study-ді жоспарлау кезеңі, зерттеу сабағының өту кезеңі, сабақты талдау кезеңі туралы ойларын ортаға салды. "Lesson study-ды қалай ұйымдастыруға болады және күтілетін нәтижелер қандай?" деген сұрақтарға постер дайындап, әр түрлі әдіс-тәсілдермен өз жұмыстарын қорғады.  
        Коучинг барысында білім алушылардың білім сапасын арттыруда, оқу мен оқытуды дамытуда Lesson study әдісінің тиімділігі айқындалып, тәжірибеге енгізуге бағыт- бағдар берілді.