Бастауыш сынып әдістеме бірлестігінің алғашқы отырысы өтті.

28.08.2023ж. Ә.Хасенов атындағы номері 11 ЖОББМ бастауыш сынып әдістеме бірлестігінің алғашқы отырысы өтті. Әдістемелік бірлестік жетекшісі Кенжебекова А.К өткен оқу жылына талдау жасап, "2023-2024 оқу жылында Қазақстан Республикасының орта білім беру ұйымдарындағы оқу- тәрбие процесінің ерекшеліктері туралы" әдістемелік нұсқау хатпен таныстырып өтті. 1-2 сыныптарда "Еңбекке баулу" және "Бейнелеу өнері " пәндерін, 3-4 сыныптарда "Көркем еңбек" кіріктірілген пәнін оқыту жалғасады. 
  Оқыту қазақ тілінде жүргізілетін мектептердің 1- сыныбында "Әліппе", "Ана тілі " пәндері оқытылады. Алдағы оқу жылындағы ерекшеліктердің бірі үлгерімі төмен білім алушылармен жұмысты күшейту қажеттілігіне баса назар аударды. Сондай мұғалімдердің күнтізбелік тақырыптық жоспарлары мен курс тақырыптары талқыланып бекітуге ұсынылды.